para wargi para ikhwan
ku abdi nu tiluan
bade ngaoskeun nadoman
tentang penting pangajian
para santri para wargi
omat lamun eukeur ngaji
sing perhatikeun kiyayi
ulah kalah ngorek ceuli
sabab ngaosteh pitulung
supaya ulang teu linglung
boga elmu tangtu untung
di dunia na moal bingung
cara anu maca qur'an
tapi heuntu di tajwidan
macana bari nundutan
godana undut-undutan
teu cara mun nonton tipi
sepak bola, sinetron tahi
ningalna meni taliti
apal artis hiji-hiji
ieu jaman lucu pisan
jalma leuwih reuseup dandan
batan angkat kapangaosan
ngadigeg isin-isinan
pami angkat ka festival
palami-lami jeung awal
ngaosmah uihna enggal
dasarna bujur aseupan
kacarita dihiji desa
masjid aheng jeung lalega
molongpong euweuh eusiana
tinggal aki euweuh huntuna
sedengkeun jalma nu kapir
heunteu ngutamakeun ulin
kana di ajarna rajin
pikeun ngahancurkeun mukmin
pek kumaha ngalawanna
sedeng duit heunteu boga
nyakitu deui senjata
komo teu bisa nyieuna
sedeng mun kapir ngaraja
pasti ngarusak agama
moal lila hujan siksa
eta kiamat ngarana
sabab kitu bapak-bapak
salagi mampumah beunta
tinggal budak jeung istrina
pariksa bacaan solatna
sabab lamun heunteu kitu
solat siga hayam nyatu
siksa dinaeaka tangtu
oray macok kana huntu
sabab kitu dulur-dulur
saislam saiman akur
hayu ngaji hayu tapakur
qur'an hadist masing masyhur
sakitu ieu nadoman
mugi janteun perhatosan
nu saena yuk candakan
banyotana mah liburan
II. (syair alam masyar)
ari ngarn masyar eta
palataran anu rata
panasna waktu harita
tujuh panon poe nyata
teu jauh ti tujuhanana
tujuh jeungkal cariosna
ngarojol kabehanana
ka jalma goreng amalna
(babawaan kajeuro kubur)
anu ngukur ka lam kubur
tilu dina hadist rosul
hiji sodakoh jariah
ani ikhlas karna allah
dua elmu nu mangpaat
sarta di alap manfaat
tilu putra anu soleh
ngadoekeun teu weleh-weleh
III. abi milari pangarti'
supaya bisa ngabukti
ka allah pangeran abdi
nu ngadamel diri abdi
sim abdi hoyong manfaat
pikeun ka sasama umat
najan di dunia akherat
jadi jalma nu salamet
amal nyantel kan elmu
amal sepi tina elmu
ganjaran mola pinemu
balukarna kangen bendu
IV. nadoman nurul hikmah
ka allah abdi nyalindung
tin a panggodaan setan
kalayann asma nu agung
allah anu welas asih
I. allah nu maha uninga
allah nu maha uninga
kana sadaya dawuhna
mungguhing urang manusa
wajib kedah percantenna
kana qur'an ulah ham-ham
ulah was-was ragu-ragu
upami urang miham-ham
tangtos urang buntu laku
sadaya umat pangeran
kedah kenging tuduh jalan
nu mawi lumungsur qur'an
pikeun tuduh jalan iman
tawisna nu takwa to'at
yakin ayana akherat
solatna teh tara pegat
ku allah tngtos di rahmat
2. sibih baci rejeki
mun urang nampi rejeki
rejeki pa bagi-bagi
sasama ge kabagean
rejeki silah agehan
jalma nu iman mukmin
panceg percaya tur yakin
kitabulloh nu baheula
eta ge dawuh mantena
jalma nu iman mukmin
yakina aenal yakin
yen engke teh hiru[ deui
bakal deuheus ka illahi
3. pituduh ti allah swt
mungguhing nu iman takwa
kenging pituduh mantena
hirupna kenging panungtung
henteu lesot ti panuyun
eta teh bagja utama
rahmat teu kinteun ageungna
mulus salamat hirupna
kenging pituduh mantena
nu kitu hirup rahayu
kenging pituduh lumaku
moal sasar katambias
moal ham-ham moal was-was
4. ulah ngabedul
jelema anu mantangul
hirup nyuruntul ngabedul
hese di bere pepeling
lang-lang ing-ling lir teu eling
mageran kana nafsuna
ngagulung kahayangna
aturan kabeh di rumpak
ngaruksak jeung ngagalaksak
lajeung ku alla di tutup
kalbu di bulen di rungkup
hatnateh ditulakan
pangreungeuna di cocokan
batin jadimkarunyinyi
tebih ti hidayah gusti
cilaka estu cilaka
jalma nu kitu lampahna
5. gancang omean
seueur pisan kajanteunan
ngaku0ngaku panceg iman
opadahal gagaleongan
ka imanan reureundahan
sering pisan ka alaman
pura-pura ngaku iman
ari lampah euwah-euwah
kitu salah kieu salah
lamun nyieun kasalahan
pek omean gagancangan
gancang menta di hampura
ka allah maha kuasa
kitu lampah sasab pisan
tetela nipu sorangan
tapi tong penggas hareupan
nu salah gancang omean
6. sipat jelema anu munafek
jalma munafek sifatna
mun leukeun nitena nana
sok resep nyieun alesan
keur nutupan kasalahan
kasalahan diteunbleuhkeun
geugeuleuh di kabaturkeun
hatena pinuh wejerit
kotor jeung pinuh rurujit
mun hareupeun ngomongkeun hade
tukangeun mah ngalelewe
nu kitu tong jasi sobat
sabab mindeng ngahianat
7. ulah jalir jangji
lamun urang gaduh jangji
kade ulah lanca linci
subaya kedah cumponan
sabab eta ka hormatan
jelema nu jalir jangji
eta teh sami saharti
reujeung ngarusak pribadi
henteu ngajenan ka diri
nu teu pageuh kana jangji
nu kitu munafek pasti
hirupna moal jamuga
bakal pinanggih tunggara
8. ngajaga letah
kade jag eta letah
sabab mindeng mawa salah
seukeutna leuwih ti pedang
reheutna matak gudawang
loba nu meunang cilaka
lantaran tina ngomongna
ngomong teu dipikir heula
tangtu hanjakal akhirna
ngomong ngabuih ngabuah
mindingan lampah nu salah
ngaku-ngaku iman takwa
padahal reka perdaya
iman ukur kaheureuyan
kawas bunglon lolondokan
kitu peta salah pisan
kudu gancang di jauhan
9. ulah ngaheureuykeun ayat
mangkade ulah mokaha
ngaheureuykeun pidawuhna
dipake ocon guguyon
kitu peta estu awon
jalma ngaheurueykeun ayat
moal pinarinan rahmat
jeung moal kenging sapa'at
sabab ngaheureuykeun ayat
ayat teh dawuhan gusti
lenyepan mangka kaharti
sangkan urang ulah rugi
hirup jadi ngandung harti
ayat ulah diheureuykeun
kuduna teh di hartikeun
sangkan hirup ulah rugi
tur kenging rido illahi
10. palita anu teu cahayaan
kuma pibakaleunanan
lamun pareng hiji mangsa
urang teh nyeungeut palita
tapi teu caang sinarna
kotret deui cekres deui
ngahurungkeun korek api
pareum deui pareum deui
poek deui poek deui
rejuen palitana hurung
tapi kalah tambah bingung
sabab cahayana musna
poek mongkleng buta rata
kitu minangka misilna
nu munafek ibaratna
lolong lahir jeung batina
sasab dunnya akherat
V
sim abdi bade nyepatan
ari jalma anu mumulan
kana waktu karajenan
taya pisan rarajenan
mun subuh kalah murungkut
teu kaduga ngudar simbut
digeuingkeun sing cemberut
padahal setan mah imut
majar teh kaheula anan
naekan teh tetempoan
sok nyai akang simbutan
tunduh keneh tos rondaan
bari hudang eunggeus beurang
subuh mah teu kabagean
ngeunah di pepende setan
peupeujeuh entong eladan
lamun datang waktu lohor
kalah katungkuol ku getol
tawa kalah ludar ledor
teu beda pisan jeung bodor
lamun datang waktu asar
ngobrol kawas nu sasar
majar maneh encan dahar
rek migawe solat asar
mun datang waktu magrib mah
kalah asup ka arimah
nu kitu ngarana salah
lain anggur berjamaah
teu lamu jol eaktu isa
kalah indit ka tatangga
bari nyandak kartu tea
erek gapleh jeung tatangga
gaoleh mah sapeuting pinuh
heunteu karasaeun tunduh
ngaji mah sajamge tunduh
ka ajeungan ngarurusuh
sakieu abdi pepeling
pamugi janteun pangeling
khususna kanggo simkuring
umumna ka anu sumping
VI
mugi urang masing emut
hiji mangsa bakal maot
ari jalan saeunggeus maot
di sebat alam akherat
ari beukeul di akherat
sanes harta lain pangkat
tapi sagala ibadat
utamina ibadah solat
solat anu lima waktu
tugas muslim anu tangtu
lakonan kalayan tuhu
disarung ku hate khusu
najan bari nahan tunduh
laksanaken solat subuh
omat ulah gurung gusush
bilih heunteu kenging buruh
lohor mah opat rokaat
lakonan omat tong telat
sing khusu salila solat
poma pisan ulah ebat
nalika wanci geus sore
omat ulah sok talangke
solat asar prak pigawe
najan cape tos digawe
panon poe tunggang gunung
lebah kulon hibar layung
enggal eling kanu agung
solat magrib tong di langkung
nalika waktu geus isa
lakonan solat sing daria
nyembah allah anu kawasa
sangkan dihampura dosa
lamun urang hayang bagja
di dunya jeung akherat jaga
bekel anu kudu di bawa
iman islam rejeung takwa
iman sanes ngan pangakuan
kudu lugu jeung patekadan
di wujudkeuna kalakuan
eta kasampurnaan iman
islam sanes ngan pangakuan
kudu lugu jeung kalakuan
pasrah sumerah kana aturan
nu di tangtukeun ku pangeran
parentah allah lakonan
panyarekna jarauhan
eta bukti katakwaan
jadin sumber kabagjaan
urang kudu pinter syukur
sangkan nikmat tambah subur
sabab lamun urang kupur
azab allah pasti lungsur
syukur tina kanikmatan
nikmat islam nikmat iman
sara nikmat kasehatan
sakabeh paparin pangeran
lamun lampah remen lepat
ku dirikat dewat tobat
eureunan lampah maksiat
samemeh urang sakarat
lamun hirup loba dosa
buru-buru kudu rumasa
menta hampura ka manusa
sarta tobat kanu kawasa
hirup di kuntit ku pati
mangka kudu ati-ati
ibadah masing gumati
malar di pikarido ku gusti
omat ulah sok takabur
bedegong ka allah kupur
inget awak urang sakujur
hiji mangsa bakal di kubur
puji ka agungan allah
rohmat salam ka rosulullah
sohabat tur kawargina
pejuang agama allah
islam agama nu bener
sejahtera luas tur damai
rukuna lima utama
amalkeun masing sampurna
shahadat teh pondasina
solat teh jadi tihangna
zakat dinding shaum kusena
haji nu jadi kentengna
rukun islam teh pamahamkeun
amaliahna gerakeun
panggerakna ge di jieun
agungna islam buktikeun
shahadat kudu ngabukur
ma'rifat, mahabbah, syukur
jihad berjuang sing akur
hate ikhlas ulah kabur
shahadat teh di kuatan
tolab elmu, maca qur'an
loba dzikir kapangeran
ngalawan nafsu jeung setan
solat ge kudu ngabuah
munajat sinareung qurban
talawasun sareng imamah
kahirupan sing barokah
solat kudu di perkuat
awal waktu berjamaah
makmur masjid khusu khidmat
sing lengkap pardu jeung sunat
qobliyah ba'diyah ketat
tahajud,tasbehh jeung hajat
dhuha jeung sunat nusejena
usahakeun sing sampurna
zakat sing puguh buktina
tanmiyah jeung barokahna
ta'awun, taquddun, izzah
islam teh nyata hebatna
zakat nyata perjuangan
mun nisab geura zakatan
can nisab ge lalanyahan
dua satengah persena
ti leuleutik biasakeun
sawarehna harta bikeun
bentuk aminlin nu leukeun
sifat amanah tegakeun
shaum oge kudu nyata
sobar, tahamun, qurbana
barokah sarta wusulna
islam teh nyata tangguhna
shaum rhomadhon matepkeun
tadarus qiyam lengkepkeun
zakat fitri laksanakeun
silaturahmi kuatkeun
saum wajib sing sampurna
sunat jeung senen kemisna
arpah daud jeung liana
saumkasucianana
haji kudu bukti mabrur
iman ibadahna luhur
bisa ngagerakeun batur
umat akur islam luhur
VIII
nadom nu bakal asup surga
umat kami di cawiskeun
di surga tujuh golongan
kahiji budak nonoman
daek tobat ka pangeran
kadua jalma berehan
shodakoh teu di tembongkeun
tilu anu unggal dinten
sholat duha di dawamkeun
opat tukang berjama'ah
sanajan loba kariweuh
leungit harta heunteu susah
batan kantun berjama'ah
lima surga di cawiskeun
ka anu sok ngucur ci panon
beungeut sieun ku pangeran
dosa leutik di tobatan
ari anu kagenepna
resep ngariung ulama
ngadangukeun pituturna
hoyong bagja akheratna
tujuh asup kasowarga
jalma anu tara jinah
najan (geulis/kasep)nnu ngagoda
sieun ku siksa naraka
sholatulloh salamullaoh ala thoha rosulullah 2x
I. gera syukur 2x
ulah kufur matak ancur
jalma syukur matak makmur
dikuburna hurung mancur
II. gera eling 2x
teungah peuting rajin nyaring
hirup najan buntang buntang banting
ulah siga jalma sinting
III. gera sadar 2x
ulah sagala di dahar
najan beuteung urang lapar
ulah jadi jalma sasar
IV. gera akur 2x
ulah pasea jeung dulur
bisi diri pondok umur
di naraka jadi ancur
